💥 أهم 4 مشاكل بتقابل المتخصصات في جلسات البروتين... وحلولهم السحرية! 💥
بنتعلم مع بعض
💥 أهم 4 مشاكل بتقابل المتخصصات في جلسات البروتين... وحلولهم السحرية! 💥
لو بتشتغلي صح 100% ولسه بتشوفي نتائج مش مُرضية، البوست ده ليكي بكل حب واحترام لتعبك وشطارتك 💖💇♀️
❌ المشكلة الأولى: "الشعر رجع زي ما كان" بعد الغسيل
يعني العميلة بتغسل شعرها وترجعلك تاني تقلك: "رجع زي ما كان!"
🧐 السبب المحتمل:
الشعر مكانش جاهز كفاية لاستقبال البروتين.
أو اتحطت مادة أقل من الكفاية ومتشربش كويس.
أو تم شطف نسبة كبيرة من المادة، أكتر من 80%.
✅ الحل:
أكّدي على مرحلة Clarifying shampoo مرتين بتركيز.
لازم الشعر يكون جاف تمامًا ومفتوح المسام.
كوني كريمة في توزيع المادة 🙌
المدة الزمنية للمادة على الشعر لازم تكون صح (60 دقيقة عالأقل).
الكبس هو اللي بيقفل البروتين جوا الشعر، لو كان خفيف أو مستعجل، النتيجة هتطير 💨
❌ المشكلة التانية: "الشعر مفرود بس ناشف ومفيهوش لمعة"
💡 دي شكوى متكررة جدًا وبتحبط العميلة.
🧐 السبب المحتمل:
الشعر اخد حرارة زيادة عن المطلوب
الشعر مفتقد لترطيب بعد المعالجة.
الكبس كان زايد عن اللزوم فـ نشّف الشعر.
✅ الحل:
بعد الكبس، اعملي غسيل نهائي بمنتج ترميم أو بلسم غني 💧
المشكلة التالتة: "الشعر فيه تقصيفة من تحت ✂️"
🧐 السبب المحتمل:
الأطراف كانت ضعيفة واتعرضت لحرارة عالية مباشرة بدون حماية.
ما تمش استخدام كمية كافية لحماية الأطراف.
أو ممكن الشعر نفسه كان هايش ومحتاج قص قبل الجلسة.
✅ الحل:
قبل الكبس امسحي الشعر بالكامل ببروتين خفيف من برّه كطبقة حماية ✋
خدي بالك من درجة الحرارة على الأطراف، خفضيها في آخر 10 سم.
ممكن تقصي الأطراف المتقصفة قبل الجلسة ✂️
❌ المشكلة الرابعة: "الشعر بيطلع دخان كتير أثناء الكبس 😱"
🧐 السبب المحتمل:
نسبة المادة على الشعر زايدة عن الطبيعي.
الشعر لسه فيه رطوبة داخلية (ما نشفش بنسبة 90٪).
المكواة حرارتها زيادة عن اللازم.
✅ الحل:
اتأكدي إن الشعر ناشف بنسبة 90٪ بس مش ناشف تمامًا.
حاولي تعملي Test للمكواة على خصلة صغيرة.
قللي الكمية الزايدة من المادة أثناء الشطف (مش لازم يبقى مبلول بروتين).
👩🏫💬 طيب، لما تيجي تقولي لمتخصصة "راجعي خطواتك" تقولك: "أنا بشتغل بقالي 15 سنة!"
"مافيش حد فوق التعلم.. وإحنا كمان كل يوم بتعلم حاجة جديدة من تجربة أو من عميلة. الخبرة كنز، بس التفاصيل الصغيرة بتفرق كتير في شغلنا 💕💼"